Ermənistan hökuməti Polşadakı diplomatik nümayəndəliyində hərbi attaşe vəzifəsinin yaradılması barədə qərarı təsdiqləyib.
“Operativ Məlumat Mərkəzi – OMM” xəbər verir ki, qərar Nazirlər Kabinetinin son iclasında qəbul olunub.
Hökumətin təqdim etdiyi izahat sənədində bildirilir ki, yeni vəzifənin yaradılması Ermənistan və Polşa arasında ikitərəfli əlaqələrin, xüsusilə hərbi-texniki əməkdaşlığın gücləndirilməsi məqsədi daşıyır.
Yeni hərbi attaşenin təyin olunması ilə iki ölkə arasında müdafiə sahəsində əlaqələrin daha sistemli xarakter alacağı gözlənilir.
Məlumata görə, hərbi attaşenin ilin sonuna qədər təyin edilməsi planlaşdırılır. Yeni vəzifəli şəxsin fəaliyyətinə 2025-ci il yanvarın 1-dən başlaması nəzərdə tutulub.
