Afət Ziyadqızı
Ermənistan parlamentində ölkənin keçmiş prezidenti Robert Köçəryanın rəhbərlik etdiyi ən böyük müxalifət qrupu “Armeniya” (Hayastan) Ermənistanın Aİ-yə daxil olmasını nəzərdə tutan qanun layihəsinə səsvermədə iştirakdan imtina edib.
"Operativ Məlumat Mərkəzi-OMM" xəbər verir ki, bu barədə xarici KİV məlumat yayıb.
"Hakim çoxluğun avantürası davam edir. Ermənistanın Aİ-yə daxil olması ilə bağlı qanun layihəsi ikinci oxunuşda baxılmaq üçün təqdim edilib. Biz əvvəllər fraksiyamızın mövqeyini ətraflı təqdim etmişdik - səsvermədə iştirak etməmək. O, nəinki dəyişdi, hətta gücləndi", - parlamentin plenar iclasında çıxış edən erməni fraksiyasının katibi Artsvik Minasyan deyib.
Müxalifətçi deputat Ermənistanla Avropa İttifaqı arasında münasibətlərin Hərtərəfli və Genişləndirilmiş Tərəfdaşlıq Sazişi (CEPA) çərçivəsində təbii istiqamətdə inkişaf etməli olduğuna inandığını bildirib.
