Afət Ziyadqızı
Türkiyə Respublikasının Prezidenti Rəcəb Tayyib Ərdoğan ilə Rusiya Federasiyasının Prezidenti Vladimir Putin arasında görüş baş tutub. Türkiyə Prezident Administrasiyasının Kommunikasiya İdarəsinin yaydığı məlumata görə, danışıqlar zamanı ikitərəfli münasibətlər, eləcə də regional və qlobal təhlükəsizlik məsələləri ətraflı müzakirə olunub.
"Operativ Məlumat Mərkəzi-OMM" xəbər verir ki, Prezident Rəcəb Tayyib Ərdoğan Qara dənizdə naviqasiya təhlükəsizliyinin təmin olunması istiqamətində birgə adımların vacibliyini diqqətə çatdırıb.
Ankara ilə Moskva və Kiyev arasında birbaşa təmasların bərpasına dəstək verməyə hazır olduğunu bəyan edən Türkiyə lideri, münaqişənin ədalətli həllinə yönəlmiş diplomatik təşəbbüslərin davam etdirilməsinin önəmini vurğulayıb.
Görüş zamanı Türkiyə Prezidenti rusiyalı həmkarını doğum günü münasibətilə təbrik edib, həmçinin başçılıq etdiyi siyasi partiyanın Dövlət Dumasına keçirilən seçkilərdə qazandığı qələbə münasibətilə təbriklərini çatdırıb.
