Türkiyə prezidenti Rəcəb Tayyib Ərdoğan Rusiya prezidenti Vladimir Putin və Vladimir Zelenski arasında Türkiyədə görüş təşkil etmək istədiyini və ABŞ prezidenti Donald Trampın görüşdə iştirak edə biləcəyini bildirib.
"Operativ Məlumat Mərkəzi-OMM" xəbər verir ki, bu barədə Ərdoğan Türkiyə mediasına müsahibəsində deyib.
"İstanbulda keçirilən bu görüşlər son dərəcə vacibdir. Türkiyə sayəsində İstanbuldakı təmaslar, bu məsələdə (Ukrayna nizamlanmasında) dönüş nöqtəsinə çatdıq. Və mənim hər iki tərəf üçün ən böyük arzum cənab Vladimir Putin və cənab Zelenskini İstanbulda və ya Ankarada bir araya gətirmək və hətta cənab Trampı da görüşə dəvət etməkdir”, - deyə o, qeyd edib.
