Türkiyə Prezidenti Rəcəb Tayyib Ərdoğan Bolu vilayətində yanğın baş verən əraziyə gəlib.
"Operativ Məlumat Mərkəzi-OMM" xəbər verir ki, o, hazırda yanğın zamanı həyatını itirən Gültekin ailəsinə məxsus on dörd nəfərin vida mərasimində iştirak edir.
Türkiyə Prezidenti Rəcəb Tayyib Ərdoğan xanımı Əminə Ərdoğanla Bolu vilayətinə yollanır.
"Operativ Məlumat Mərkəzi-OMM" “Hürriyet”ə istinadən xəbər verir ki, bu barədə məlumatı Türkiyə Prezident Administrasiyasının Kommunikasiya İdarəsinin rəhbəri Fahrettin Altun açıqlayıb.
Bildirilib ki, Ərdoğan Boluda dağ-xizək mərkəzinin hotelində baş vermiş yanğında həlak olanların cənazə namazında iştirak edəcək.
Xatırladaq ki, yanvarın 21-də Bolunun Kartalkaya dağ-xizək mərkəzinin hotelində güclü yanğın baş verib. Hadisə nəticəsində 76 nəfər həlak olub.