Uels klubu “Kardiff Siti” təyyarə qəzasında dünyasını dəyişən futbolçu Emiliano Salanın ölümü ilə əlaqədar Fransa təmsilçisi “Nant”dan 110 milyon avro təzminat tələb edib.
"Operativ Məlumat Mərkəzi-OMM"-in “L'Equipe” nəşrinə istinadən məlumatına görə, “Kardiff” rəhbərliyi artıq şikayətini Nant Kommersiya Məhkəməsinə ünvanlayıb.
Onlar Salanın ölümündən sonra gəlirlərinin itirilməsini əsas gətirərək, Fransa klubundan 100 milyon avro, həmçinin, faizlərin qaytarılmasını istəyib. İyunun 22-də “Nant” rəsmiləri məhkəmə önünə çıxacaqlar.