“Əl-Nəsr” – “Neftçi” matçı raket təhlükəsinə görə təxirə salındı

Asiya Çempionlar Liqasının Qərb regionu üzrə qrup mərhələsinin ikinci turunda “Əl-Nəsr”lə “Neftçi” arasında keçirilməli olan oyun start fitinə az qalmış təxirə salınıb. Görüş Səudiyyə Ərəbistanının paytaxtı Ər-Riyadda keçirilməli idi.

Yerli KİV-lərin məlumatına görə, Yəmən istiqamətindən Ər-Riyada doğru ballistik raket buraxılıb. Yaranmış təhlükə ilə əlaqədar təhlükəsizlik xidmətləri matçın başlanmasını təxirə salmaq qərarı verib.

“Əl-Əvvəl Park” stadionunun diktoru tribunadakı azarkeşlərə sakitliyi qorumaq və təhlükəsiz mövqelərdə qalmaq barədə müraciət edib.

Görüşün yeni başlama vaxtı hələ müəyyənləşməyib. Turnirin təşkilatçıları və xilasetmə xidmətləri şəhərdəki vəziyyəti qiymətləndirir. Matç oktyabrın 12-də Bakı vaxtı ilə saat 22:15-də başlamalı idi.