Səkkiz İslam və ərəb dövləti birgə bəyanat yayaraq, İsrailin İordan çayının qərb sahilindəki əraziləri işğal etmək istiqamətindəki fəaliyyətlərini kəskin şəkildə pisləyib.
"Operativ Məlumat Mərkəzi-OMM" xəbər verir ki, ölkə liderləri İsrailin 1967-ci ildən bəri ilk dəfə olaraq bu bölgədəki torpaqların sənədləşdirilməsi prosesinə başlamasına dair qərarına etirazlarını bildiriblər.
Bəyanatda qeyd olunur ki, bu addım qanunsuzdur və regionda təhlükəli gərginliyə yol açır.
Sözügedən qərar həmçinin BMT Təhlükəsizlik Şurasının İordan çayının qərb sahili ilə bağlı qətnamələrinə ziddir.
Bundan əvvəl Birləşmiş Millətlər Təşkilatı da İsrail kabinetinin bu qətnaməsini dərhal ləğv etməyə çağırmışdı. Bir sıra digər ölkələr də fərdi qaydada bu plana qarşı öz etirazlarını ifadə ediblər.
