Əfqanıstanın şərqində yerləşən Qəzni vilayətində ölümlə nəticələnən ağır yol-nəqliyyat hadisəsi baş verib.
"Operativ Məlumat Mərkəzi-OMM" xəbər verir ki, bu barədə məlumatı ölkənin rəsmi media qurumu olan "Bakhtar" xəbər agentliyi yayıb.
İlkin məlumatlara görə, nəqliyyat vasitələrinin toqquşması nəticəsində 5 nəfər həyatını itirib, daha 1 nəfər isə müxtəlif dərəcəli bədən xəsarətləri alıb. Yaralı şəxs dərhal xəstəxanaya yerləşdirilib.
Hadisənin başvermə səbəbləri ilə bağlı araşdırmalar davam edir.
Qeyd edək ki, Əfqanıstanda yol infrastrukturunun zəif olması və sürücülərin ehtiyatsızlığı tez-tez oxşar faciələrə yol açır.
