OMM Redaksiyası
Əfqanıstanın şərqində yerləşən Qəzni vilayətində şənbə günü gecə saatlarında iki ağır yol qəzası qeydə alınıb.
“Operativ Məlumat Mərkəzi-OMM” xəbər verir ki, bu barədə bazar günü vilayət polisinin rəsmi sözçüsü Xalid Sərhadi məlumat yayıb.
Məlumata görə, baş verən bədbəxt hadisələr nəticəsində 6 nəfər həyatını itirib, daha 14 nəfər isə müxtəlif dərəcəli bədən xəsarətləri alıb. Yaralılar arasında qadın və uşaqların olduğu bildirilir.
Hadisənin başvermə səbəbləri və digər detallar barədə hələlik geniş məlumat verilməyib. Hazırda faktla bağlı araşdırmalar davam etdirilir.
