ABŞ Prezidenti Donald Tramp İrana silah tədarük edən ölkələrə qarşı sərt tarif tədbirləri tətbiq etmək niyyətində olduğunu açıqlayıb.
“Operativ Məlumat Mərkəzi-OMM” xəbər verir ki, o, bu bəyanatı "Truth Social" platformasında, sanksiyaların yumşaldılmasına dair Tehranla danışıqların başlanması barədə paylaşımın ardınca dərc edib.
"İrana silah tədarük edən ölkələr dərhal qüvvəyə minməklə 50% rüsuma cəlb ediləcək", - deyə o vurğulayıb.
Donald Trampın sözlərinə görə, yeni tədbir heç bir istisna olmadan tətbiq ediləcək. "İstisnalar və azadolmalar olmayacaq", - deyə o qeyd edib.
