Venesuelada baş verən güclü zəlzələ nəticəsində ölənlərin sayı artıb.
“Operativ Məlumat Mərkəzi-OMM” xəbər verir ki, bu barədə ölkənin Milli Assambleyasının sədri Xorxe Rodriges sosial media hesabında məlumat yayıb.
Bildirilib ki, son məlumatlara əsasən, təbii fəlakət nəticəsində həyatını itirənlərin sayı daha 52 nəfər artaraq 5 min 398-ə çatıb. Eyni zamanda, xəsarət alan şəxslərin sayının 16 min 740 nəfər olduğu qeyd olunub.
Məlumata görə, hadisə bölgəsində axtarış-xilasetmə və yardım işləri davam etdirilir. Xorxe Rodriges bildirib ki, hazırda 60 mindən çox şəxs zəlzələnin nəticələrinin aradan qaldırılması prosesinə cəlb olunub. Onların arasında 30 minə yaxın könüllünün olduğu vurğulanıb.
Qeyd olunub ki, zərərçəkmiş əhaliyə humanitar yardımın çatdırılması, eləcə də təmiz su təminatının bərpası istiqamətində işlər fasiləsiz davam edir.
