Çin Yerin məsafədən yüksək görüntü ilə zondlanması üçün “Yaogan-42B” peykini orbitə çıxarıb.

"Operativ Məlumat Mərkəzi-OMM" xəbər verir ki, peyki orbitə aparan “Böyük yürüş-2D” (Long March-2D) raketinin buraxılışı yerli vaxtla səhər saat 7:45-də Siçuan vilayətindəki Siçanq məntəqəsindən həyata keçirilib. “Çin aerokosmik elmlər və texnologiyalar” korporasiyasının məlumatına əsasən, peyk planlaşdırılan orbitə çatıb. “Yaogan” peykləri əks olunan və yayılan şüalanmadan istifadə edərək quruda və dənizdə obyektlərin, cisimlərin fiziki xüsusiyyətlərini aşkarlamaq və izləmək üçün istifadə olunur.

Qeyd edək ki, “Böyük yürüş-2D” ikimərhələli daşıyıcı raketi Şanxay Kosmik Texnologiyalar Akademiyası tərəfindən peykləri orbitə çıxarmaq üçün hazırlanıb. Bu raket təxminən 700 kilometr yüksəklikdə günəşlə sinxron orbitə 1,3 tona qədər faydalı yük çıxarmağa qadirdir.

Bu, “Böyük yürüş-2D” seriyasından cari ildə 17-ci, ümumilikdə isə 517-ci raket buraxılışı olub.

Krımda ATACMS raketləri ilə gecə hücumu Amerikanın "RQ-4B Global Hawk" kəşfiyyat təyyarəsi tərəfindən koordinasiya edilib.

"Operativ Məlumat Mərkəzi-OMM" xəbər verir ki, bu barədə “Military Chronicle” Teleqram kanalı məlumat yayıb.

Qeyd edilib ki, pilotsuz təyyarə Qara dəniz üzərində görünüb.

“ATACMS-in Krımda istifadəsi ilk dəfə qeydə alınmır və onu göstərir ki, müəyyən şərtlərə görə yarımadanın obyektləri Ukrayna Silahlı Qüvvələri və Ukrayna Baş Kəşfiyyat İdarəsi üçün əsas hədəf olaraq qalır".

İsrail ordusu Qəzza şəhərində Əbu İskəndər, Əs-Sidra və Əs-Səhaba bölgələrinə hücumlar həyata keçirib.

"Operativ Məlumat Mərkəzi-OMM" xəbər verir ki, bu barədə Fələstinin rəsmi agentliyi WAFA məlumat yayıb.

Xəbərdə İsrailin evləri hədəfə aldığı hücumlarda 10-u uşaq olmaqla 30 fələstinlinin həyatını itirdiyi, çox sayda insanın isə yaralandığı bildirilib.

Slovakiyanın Baş naziri Robert Fitso çoxsaylı yaralar alıb və beş saat ərzində əməliyyat olunub.

"Operativ Məlumat Mərkəzi-OMM" TASS-a istinadən xəbər verir ki, bu barədə xəstəxananın direktoru Miriam Lapunikova bildirib.

Onun sözlərinə görə, Baş nazir hələ də reanimasiya şöbəsindədir.

Xatırladaq ki, ötən gün Baş nazir Robert Fitsoya qarşı sui-qəsd cəhdi olub. Atəş R.Fitso ictimaiyyət arasında çıxdıqdan sonra açılıb və o, sinə və qarın nahiyəsindən çoxsaylı yaralar alıb. Daxili İşlər Nazirliyinin məlumatına görə, atəş açanın motivi siyasi olub. Slovakiya KİV-i qeyd edib ki, Baş nazirinin həyatına sui-qəsd 71 yaşlı yazıçı Yuray Tsintula tərəfindən edilib. Həmin şəxs polis tərəfindən tutulub.

Əməliyyatdan sonra Slovakiyanın baş naziri Robert Fitsonun həyatı üçün təhlükə hələ də qalır.

"Operativ Məlumat Mərkəzi-OMM" xəbər verir ki, bu barədə “Markiza” telekanalı mənbəyə istinadən məlumat yayıb.

Xatırladaq ki, ötən gün Baş nazir Robert Fitsoya qarşı sui-qəsd cəhdi olub. Atəş Fitso ictimaiyyət arasında çıxdıqdan sonra açılıb və o, sinə və qarın nahiyəsindən çoxsaylı yaralar alıb.

Pakistan Silahlı Qüvvələri yerli “Fatah-II” genişmənzilli reaktiv yaylım atəşi sisteminin uğurlu buraxılışını həyata keçirib.

"Operativ Məlumat Mərkəzi-OMM" TASS-a istinadən xəbər verir ki, bu barədə Pakistan Müdafiə Nazirliyinin ictimaiyyətlə əlaqələr şöbəsi məlumat yayıb.

Bildirilib ki, bu buraxılışın məqsədi reaktiv yaylım atəşi sisteminin dizaynını, texniki parametrlərini və müxtəlif alt sistemlərini sınaqdan keçirmək olub. “Fatah-II” adi döyüş sursatlarının çatdırılması üçün nəzərdə tutulub. Sistemin idarə olunan raketləri inertial-peyk yönləndirmə sistemi ilə təchiz olunub və 400 kilometrə qədər məsafədə yüksək dəqiqliklə hədəfləri vurmaq qabiliyyətinə malikdir.