Afət Ziyadqızı
Çində keçirilən Ümumdünya Süni İntellekt Konfransı (WAIC) çərçivəsində 300-dən çox yeni texnologiya ilk dəfə təqdim olunub.
“Operativ Məlumat Mərkəzi-OMM” xəbər verir ki, Çinin Şanxay şəhərində təşkil olunan 2026-cı il Ümumdünya Süni İntellekt Konfransında (WAIC) 1100-dən çox şirkət iştirak edir.
Məlumata görə, 100 min kvadratmetrdən çox sərgi sahəsini əhatə edən tədbirdə 3000-dən artıq məhsul və texnologiya nümayiş etdirilir. Onlardan 300-dən çoxu ilk dəfə dünya ictimaiyyətinə təqdim olunur. Sərgidə 1000 kiloqrama qədər yük daşıya bilən "Qiji T1000" robot-at da ziyarətçilərin diqqətini cəlb edib.
Qeyd olunub ki, konfrans çərçivəsində Çin süni intellektin inkişafı üzrə yeni fəaliyyət planını və beynəlxalq əməkdaşlığı genişləndirməyə yönəlmiş bir sıra təşəbbüsləri təqdim edib. Çin Prezidenti Si Cinpin isə çıxışında süni intellekt sahəsində qlobal əməkdaşlığın və təhlükəsiz inkişafın vacibliyini vurğulayıb.
