"Siyasi vəziyyətdən asılı olmayaraq, Çin Venesuelanın suverenliyini və milli təhlükəsizliyini qorumaqda ona dəstək olmağa davam edəcək".
"Operativ Məlumat Mərkəzi-OMM" xəbər verir ki, bu sözləri Çin Xarici İşlər Nazirliyinin sözçüsü Mao Ninq deyib.
Çin Xarici İşlər Nazirliyinin sözçüsü bildirib ki, Çin Venesuelanın suverenliyini, qanuni hüquq və maraqlarını qorumaqda və milli təhlükəsizliyini təmin etməkdə ona qətiyyətlə dəstək verməyə davam edəcək.
Diplomat əlavə edib ki, Venesueladakı siyasi vəziyyətdən asılı olmayaraq, Çinin müxtəlif sahələrdə əməkdaşlığı dərinləşdirməyə və ikitərəfli inkişafı təşviq etməyə hazırlığı dəyişməz olaraq qalacaq.
