"Çin ümid edir ki, Böyük Britaniyanın Baş naziri Keir Starmerin qarşıdan gələn səfəri ikitərəfli əlaqələrin inkişafında yeni bir səhifə açacaq".
"Operativ Məlumat Mərkəzi-OMM" xəbər verir ki, bu sözləri Çin Xarici İşlər Nazirliyinin rəsmi nümayəndəsi Qoo Ciakun bildirib.
"Çin bu səfərdən Britaniya tərəfi ilə siyasi qarşılıqlı etimadı gücləndirmək, praktiki əməkdaşlığı dərinləşdirmək və Çin-Britaniya münasibətlərinin sağlam və sabit inkişafında yeni bir fəsil açmaq üçün bir fürsət kimi istifadə etməyə hazırdır",- o qeyd edib.
Ciakun vurğulayıb ki, Pekin və London BMT Təhlükəsizlik Şurasının daimi üzvləri kimi qlobal maraqlara uyğun olaraq ünsiyyəti davam etdirməlidirlər.
Qeyd edək ki, Starmerin Çinə səfəri 28- 31 yanvar tarixlərini əhatə edəcək.
