"Çexiya İsrailə qarşı Aİ-nin əlavə ticarət sanksiyalarına icazə verməyəcək və zərurət yaranarsa, onları bloklayacaq".
"Operativ Məlumat Mərkəzi-OMM" xəbər verir ki, bu sözləri Çexiya xarici işlər naziri Petr Macinka bildirib.
"Biz Aİ-nin İsrailə qarşı əlavə ticarət sanksiyalarına icazə verməyəcəyik. Əlbəttə ki, Aİ-nin İsrail ilə Assosiasiya Sazişinin ləğv edilməsinə və ya dondurulmasına da icazə verməyəcəyik", - o qeyd edib.
Macinka həmçinin Çexiyanın heç bir İsrail siyasətçisinin sanksiyalara məruz qala bilməyəcəyində israr etdiyini vurğulayıb.
"İsrailin çoxlu düşməni, az dostu var, amma mən düşünürəm ki, Çexiya İsrailin dostlarından biridir", - Çexiya xarici işlər naziri bildirib.
O, respublikanın İsraildəki səfirliyinin Təl-Əvivdən Qüdsə köçürülməsi prosesinin tez bir zamanda başa çatdırılmasına çağırıb:
"Mən şəxsən bunu istərdim və qərar Çexiya hökumətinə aiddir".
