Cənubi Sudanda daşqın nəticəsində ölənlərin sayı açıqlanıb

Cənubi Sudanda son aylarda yağan leysan yağışların səbəb olduğu daşqınlardan 700 mindən çox insan zərər çəkib.

"Operativ Məlumat Mərkəzi-OMM" xəbər verir ki, bu barədə BMT-nin Humanitar Məsələlərin Əlaqələndirilməsi Ofisi (OCHA) məlumat yayıb.

OCHA-ya görə, daşqınlar evləri və əkinləri dağıdıb, həyati vacib infrastrukturu zədələyib, təhsil və səhiyyə sistemlərini sıradan çıxarıb və epidemiya riskini artırıb.

Daşqından zərər çəkənlərin sayının 710 minə çatdığı bildirilir.

Cənubi Sudanın 78 rayonundan 30-da dağıntılar qeydə alınıb.

OCHA əməkdaşları daşqınlar səbəbindən yollarda humanitar yardımın çatdırılmasının son dərəcə çətin olduğunu bildirib.