Cənubi Koreya öz vətəndaşlarına İrana səfər etməmək barədə xəbərdarlıq edib

Cənubi Koreya İranın İsrailə hava zərbələri endirməsindən sonra öz vətəndaşlarına İranın bəzi bölgələrinə səyahət etməmələri barədə xəbərdarlıq edib.

"Operativ Məlumat Mərkəzi-OMM" xəbər verir ki, bu barədə Cənubi Koreya Xarici İşlər Nazirliyi məlumat verib.

Nazirliyin bəyanatında İranın bəzi bölgələrinə, xüsusilə Sistan və Bəlucistan əyalətlərinə həmçinin, Xuzistan, Buşəhr və Hörmüzqan əyalətlərinə səfər etməmək tövsiyə edilib.

Cənubi Koreya vətəndaşları İrana planlaşdırılan səfərlərini ləğv etməyə, bölgə sakinləri isə fövqəladə hallar istisna olmaqla təhlükəsiz ölkələrə getməyə çağırılıb.

Açıqlamada, nazirliyin İrandakı təhlükəsizlik vəziyyətini yaxından izləyəcəyi və lazım gələrsə əlavə tədbirlər görəcəyi qeyd edilib.