OMM Redaksiyası
“Çelsi” əməkdaşlarına klubun daxili məlumatlarının fantaziya futbolu və digər açıq oyun platformaları vasitəsilə yayılması riskinə dair xəbərdarlıq edib. BBC Sport-un məlumatına görə, buna Joao Pedronun “Tottenhem”lə Premyer Liqa matçından əvvəl heyətdən kənarda qalması səbəb olub. “Çelsi” həmin görüşdə 0:2 hesabı ilə uduzub.
Bud əzələsinin dördb başlı əzələsində zədə alan hücumçunun oyunu buraxacağı barədə klub əvvəlcədən rəsmi məlumat yaymamışdı. Fantaziya futbolunda iştirakçılar real futbolçulardan virtual komandalar qurur və onların həqiqi matçlardakı çıxışına əsasən xal qazanırlar. Tur başlamazdan əvvəl heyətləri dəyişmək, o cümlədən zədəli oyunçuları komandadan çıxarmaq mümkündür.
Bir neçə populyar bloqer futbolçu Morqan Rocersin və “Çelsi”nin bəzi əməkdaşlarının Joao Pedronu görüş başlamazdan əvvəl virtual komandalarından çıxardığını göstərən sübutlara malik olduqlarını iddia edib. Hadisədən sonra klub rəhbərliyi əməkdaşlara məktub göndərərək insayder məlumatından fantaziya futbolunda və digər açıq oyun xidmətlərində istifadənin mümkün nəticələrini xatırladıb.
“Çelsi”nin baş məşqçisi Xabi Alonso “Tottenhem”ə məğlubiyyətdən sonra vəziyyətdən xəbərsiz olduğunu deyib: “Fantaziya futbolu ilə maraqlanmıram, ona görə də bu barədə bilmirdim”. Klub hadisəni tək-tək rast gəlinən hal hesab edir və hələlik əməkdaşlar üçün əlavə məhdudiyyətlər tətbiq etməyi planlaşdırmır.
