Çadda təhlükəsizlik qüvvələrinə edilən hücumda çox sayda insan həyatını itirib

Çadın paytaxtı Encemine şəhərində təhlükəsizlik qüvvələrinə edilən hücumda çox sayda insan həyatını itirib.

"Operativ Məlumat Mərkəzi-OMM" xəbər verir ki, bu barədə xarici KİV məlumat yayıb.

Çad rabitə naziri Abderaman Kullamalah mətbuata verdiyi açıqlamada səhər saatlarında Milli Dövlət Təhlükəsizlik Agentliyinə silahlı basqın olduğunu bildirib.

Hücumla bağlı istintaq başladıldığını bildirən Kullamalah vəziyyətin tamamilə nəzarət altına alındığını və cinayətkarların tutulduğunu açıqlayıb.