Ermənistanın Baş naziri Nikol Paşinyan, ölkədə ruhani şəxslərə qarşı aparılan bütün cinayət işlərinin qanun çərçivəsində araşdırıldığını bəyan edib.
"Operativ Məlumat Mərkəzi-OMM" xəbər verir ki, bununla bağlı xarici KİV məlumat yayıb.
“Mən hüquqi çərçivədən kənara çıxan hər hansı bir prosesin mümkünlüyünü istisna edirəm, Ermənistan Apostol Kilsəsinə qarşı mübarizə aparmıram”, - o qeyd edib.
Qeyd edək ki, 15 oktyabr səhər saatlarında Ermənistan İstintaq Komitəsi və Milli Təhlükəsizlik Xidmətinin əməkdaşları Ermənistan Apostol Kilsəsinin Aragatson yeparxiyasının rəhbəri yepiskop Mkrtiç (Hayk Proşyan) və həmin yeparxiyadan olan bir neçə keşişi saxlayıblar.
16 oktyabrda məhkəmə qərarı ilə yepiskop və daha əvvəl saxlanılmış iki keşiş 2 ay müddətində həbs olunub.
Bu istintaq, eyni yeparxiyadan olan bir ruhani şəxsin 2021-ci ildə müxalifət mitinqlərində iştirak etməyə məcbur edildiyi barədə verdiyi ictimai açıqlamalardan sonra başlanılıb.
