Burkina-Faso Xarici İşlər Nazirliyi üç fransız diplomatı təxribatçı fəaliyyətinə görə “persona non-grata” elan edib.

"Operativ Məlumat Mərkəzi-OMM" TASS-a istinadən xəbər verir ki, bu barədə “Agence France-Presse” (AFP) məlumat yayıb.

Qeyd edilib ki, Fransanın bu ölkədəki səfirliyinin üç diplomatı yaxın 48 saat ərzində Burkina-Faso ərazisini tərk etməlidir: “Üç diplomatdan ikisi siyasi məsləhətçi olub”.

Xatırladaq ki, ötən ilin dekabrında Burkina-Fasoda diplomatik pasportlara malik dörd Fransa vətəndaşı casusluqda şübhəli bilinərək saxlanılmışdı.

“Slovakiya Respublikasının Baş naziri Robert Fitsonun həyati təhlükəsi yoxdur”.

"Operativ Məlumat Mərkəzi-OMM" xəbər verir ki, bunu “BBC”yə Slovakiya Baş nazirinin müavini və ətraf mühitin mühafizəsi naziri Tomas Taraba deyib.

O, Robert Fitsonun əməliyyatının uğurlu keçdiyini qeyd edib: “Düşünürəm ki, o, sonunda sağ qalacaq. Hazırda onun həyatı üçün təhlükə yoxdur”.

***

Sui-qəsd nəticəsində yaralanmış Slovakiya Respublikasının Baş naziri Robert Fitsonun əməliyyatı uğurlu keçib.

"Operativ Məlumat Mərkəzi-OMM" xəbər verir ki, bu barədə “TA3” telekanalı məlumat yayıb.

Qeyd olunub ki, hazırda onun vəziyyəti stabildir, şüurludur və həkimlərlə danışır.

Xatırladaq ki, bu gün Baş nazir Robert Fitsoya qarşı sui-qəsd cəhdi olub. Atəş Fitso ictimaiyyət arasında çıxdıqdan sonra açılıb və o, sinə və qarın nahiyəsindən çoxsaylı yaralar alıb.

İsrail döyüş təyyarələrinin Qəzza şəhərinin şimalında dinc əhalinin toplaşdığı ərazini hədəf alması nəticəsində çoxlu sayda fələstinli ölüb və yaralanıb.

"Operativ Məlumat Mərkəzi-OMM" xəbər verir ki, bu barədə xarici KİV məlumat yayıb.

İlkin məlumatlara görə, hücumda çoxlu fələstinli həyatını itirib və yaralanıb. Ölən və yaralananlar mülki müdafiə və sağlamlıq qrupları tərəfindən Qəzzanın Əl-Ehli xəstəxanasına çatdırılıb.

Küveytdə Əhməd Abdulla əl-Əhməd əs-Sabahın rəhbərlik etdiyi yeni hökumət and içib.

"Operativ Məlumat Mərkəzi-OMM" xəbər verir ki, bu barədə xarici KİV məlumat yayıb.

Küveytin rəsmi agentliyi KUNA xəbər verib ki, baş nazir Əhməd Abdulla əl-Əhməd əl-Sabah və 13 nazirdən ibarət yeni hökumət Küveyt əmiri Məşəl əl-Əhməd əl-Cabir əs-Sabahın iştirakı ilə and içib.

Küveyt əmiri Sabah andiçmə mərasimindəki çıxışında "ədalət, şəffaflıq və dürüstlük prinsiplərini gücləndirmək üçün" əvvəllər razılaşdırılmış islahatları davam etdirəcəklərini bildirib.

Vəzifələrinə etinasız yanaşanları məsuliyyətə cəlb edəcəklərini qeyd edən Sabah hökumətdən strateji inkişaf layihələrinin icrasının sürətləndirilməsini, fəaliyyət planı və təqvim əsasında prioritetlərin müəyyənləşdirilməsini, qardaş ölkələrlə diplomatik əlaqələrin gücləndirilməsini və onlarla əməkdaşlıq çərçivələrinin inkişaf etdirilməsini istəyib.

Cənub-Şərqi Asiya ölkəsi Sinqapurda baş nazir Li Hsien Loong bu gün 20 illik səlahiyyət müddətini başa vurur.

"Operativ Məlumat Mərkəzi-OMM" xəbər verir ki, bu barədə xarici KİV məlumat yayıb.

Belə ki, Li 2004-cü ildən bəri çalışdığı baş nazir vəzifəsini öz partiyasından olan baş nazirin müavini və maliyyə naziri Lourens Vonqa təhvil verəcək. Sinqapurun qurucu lideri və ilk baş nazir Li Kuan Yunun oğlu olan Li, inkişaf etmiş və sabit iqtisadiyyatı ilə Cənub-Şərqi Asiyanın ən mühüm ticarət və kommersiya şirkətlərindən biridir.

2023-cü il hesablamalarına görə, təxminən 5,9 milyon əhalisi olan ada ölkədə adambaşına düşən aylıq gəlir 2004-cü ildə 2 min 300 Sinqapur dolları (təxminən 1704 dollar) idisə, bu gün 5 min 100 Sinqapur dollarına (təxminən 3 min 780 dollar) çatıb.

Bu dövrdə Sinqapur iqtisadiyyatı da keyfiyyətcə transformasiyaya uğrayıb.

İsrail ordusunun 7 oktyabr 2023-cü il tarixindən etibarən Qəzza zolağında həyata keçirdiyi hücumlarda həyatını itirənlərin sayı 35 min 233-ə yüksəlib.

"Operativ Məlumat Mərkəzi-OMM" xəbər verir ki, bu barədə xarici KİV məlumat yayıb.

Açıqlamada İsrailin 7 oktyabrdan etibarən Qəzza zolağına təşkil etdiyi hücumlarda yaralananların sayının isə 79 min 141 nəfərə yüksəldiyi bildirilib. Dağıntılar altında və yol kənarında hələ də ölənlərin olduğu, lakin İsrail qüvvələrinin maneəsi üzündən tibb qrupları və mülki müdafiə işçilərinin cəsədlərə çata bilmədiyi vurğulanıb.