İsveç xarici işlər naziri Maria Malmer Stenergard İsveçin yardımının Qəzzada ehtiyacı olanlara çatmamasından məyus olduğunu və İsrailin bu üsuldan istifadə etməsinin müharibə cinayəti olduğunu bildirib.
"Operativ Məlumat Mərkəzi-OMM" xəbər verir ki, bununla bağlı xarici KİV məlumat yayıb.
Stenergard paytaxt Stokholmda keçirdiyi mətbuat konfransında İsveçin Qəzzaya humanitar yardımını ikiqat artırdığını qeyd edib.
İsrailin yardımın Qəzzaya çatmasına mane olmasından məyus olduqlarını ifadə edən Stenergard bildirib:
"Əhəmiyyətli olan qida, dərman və suyun mülki əhaliyə çatmasıdır. Bunun qarşısını alaraq mübarizə üsulu olaraq istifadə etmək müharibə cinayətidir"
