ABŞ-nin Daxili Təhlükəsizlik naziri Kristi Noem qanunsuz keçidlərin qarşısını almaq məqsədilə çaylar və su yolları boyunca 804 kilometrdən artıq uzunluqda şamandıra baryerlərinin yerləşdiriləcəyini bildirib.
"Operativ Məlumat Mərkəzi-OMM" xəbər verir ki, bununla bağlı xarici KİV məlumat yayıb.
O, Daxili Təhlükəsizlik Nazirliyi ilə Gömrük və Sərhəd Mühafizəsi qurumlarının su baryerləri formasında 804 kilometrdən çox sərhəd baryeri quracağını deyib.
Noem 209 kilometrdən artıq baryerin yerləşdirilməyə hazır olduğunu qeyd edərək, bunların diametri 152 santimetr, uzunluğu isə 4,5 metr olan şamandıralardan ibarət olduğunu bildirib.
Nazir vurğulayıb ki, bu baryerlər qanunsuz miqrantların, narkotik və insan alverçilərinin çaylar və digər su yollarından keçməsini xeyli dərəcədə çətinləşdirəcək.
