Böyük Britaniyada müsəlman mühacirlərə qarşı daha bir aksiya Plimut şəhərində keçirilib.
"Operativ Məlumat Mərkəzi-OMM" xarici mediaya istinadən xəbər verir ki, aksiya zamanı fəallarla polis arasında qarşıdurmaların olduğu, bir neçə polis əməkdaşının xəsarət aldığı bildirilir.
Baş nazir Kir Starmer radikal millətçi hərəkatın geniş vüsət alması ilə əlaqədar hökumətin təcili iclasını çağırıb.
O, zorakılıq törədənlərə qarşı peşəkar polisin nizami ordusunu səfərbər edəcəklərini bildirib.
Radikal millətçilər daha əvvəl Sautport, Sanderlend, Roterem, Mançestr, Bolton, Liverpul, Bristol və paytaxt Londonda da çoxsaylı zorakılıq törədiblər.
Təhlükəsizlik qüvvələri zorakılıq törədən 370-dən çox şəxsi həbs edib.
Aksiyalar fəalların İslamafob şüarlar səsləndirməsi və məscidlərə hücum etmələri ilə də müşahidə olunur.
Ekspertlər Britaniyada ölkə tarixinin ən pis zorakı dövrünü yaşadıqlarını bildiriblər.
Qeyd edək ki, müsəlman mühacirlərə qarşı etirazlar Sautportda 17 yaşlı müsəlman olduğu iddia edilən mühacirin bıçaqla 3 qış uşağını öldürməsi, bir neçə nəfəri yaralanmasından sonra başlayıb. Cinayətin motivləri hələlik naməlum olaraq qalır.
