ABŞ-nin keçmiş prezidenti Bill Klinton və sabiq dövlət katibi Hillari Klinton qalmaqallı maliyyəçi Ceffri Epşteynin işi ilə bağlı Nümayəndələr Palatasında ifadə verməyə razılıq veriblər.
"Operativ Məlumat Mərkəzi-OMM" xəbər verir ki, bu barədə məlumatı "NBC News" telekanalı yayıb.
Məlumata görə, dindirilmə prosesi aşağıdakı detalları əhatə edir:
- Klintonlar ailəsi fevralın 26-sı və 27-də Nümayəndələr Palatasının Nəzarət Komitəsi qarşısında çıxış edəcəklər.
- Əslində, cütlüyün ötən il ifadə verməsi planlaşdırılsa da, proses naməlum səbəblərdən təxirə salınmışdı.
- Bundan əvvəl Klintonlar ifadə verməkdən qəti şəkildə imtina edərək, bu tələbi siyasi təqib və hüquqi baxımdan əsassız adlandırırdılar.
Qeyd edək ki, Jeffrey Epstein işi çərçivəsində bir çox tanınmış şəxsin adı hallanır və Klintonların ifadəsi istintaqın gedişatı üçün mühüm əhəmiyyət kəsb edə bilər.
