Bakının Xəzər rayonu, xüsusilə Bilgəh bağları istiqamətində bu gün elektrik enerjisinin verilişində müvəqqəti fasilə yaranacaq.
Bu barədə "Operativ Məlumat Mərkəzi-OMM"-ə "Azərişıq" ASC-dən rəsmi məlumat verilib.
Bildirilib ki, səhmdar cəmiyyətinin Maştağa Enerji Təchizatı və Satışı İdarəsi (ETSİ) ərazisində yerləşən 35/10/6 kV-luq "Bilgəh" yarımstansiyasında planlı təmir işləri aparılacaq.
Bununla əlaqədar olaraq, saat 11:00-dan 12:00-dək Bilgəh bağları istiqamətində elektrik enerjisinin verilişində məhdudiyyət tətbiq ediləcək.
Təmir işləri yekunlaşdıqdan sonra sözügedən ərazi daha keyfiyyətli elektrik enerjisi ilə təmin olunacaq.
