Belarus rəsmi olaraq BRİKS-in tərəfdaşı olub.
"Operativ Məlumat Mərkəzi-OMM" TASS-a istinadən xəbər verir ki, bu barədə ölkənin Xarici İşlər Nazirliyinin mətbuat xidməti məlumat yayıb.
Məlumata görə, noyabrın 5-də Belarus prezidenti Aleksandr Lukaşenko Rusiya Federasiyasının prezidenti Vladimir Putinə respublikanın BRİKS-ə tərəfdaş kimi qoşulmağa hazır olması barədə məktub imzalayıb.
Şəxsi görüş zamanı sənədi Belarusun xarici işlər naziri Maksim Rıjenkov Rusiyanın Minskdəki səfiri Boris Qrızlova təqdim edib.
“Yazılı dəvətə rəsmi cavab üzv dövlətlər tərəfindən razılaşdırılmış tərəfdaş statusunun alınması prosedurunun məcburi elementidir”, - deyə nazirlikdən bildirilib.
