İspaniya hökuməti daşqınların nəticələrinin aradan qaldırılması üçün əlavə 3,7 milyard avro ayıracaq.
"Operativ Məlumat Mərkəzi-OMM" xəbər verir ki, bu barədə jurnalistlərə Krallığın Baş naziri Pedro Sançes məlumat verib.
"Nazirlər Şurasının bu gün keçirilən iclasında fırtınanın yaratdığı fövqəladə vəziyyətə cavab vermək üçün 110 əlavə tədbir və 3,765 milyard avro əlavə investisiyalar nəzərdə tutan yeni qanunvericilik fərmanını təsdiqlədik", - hökumət başçısı bildirib.
Sançes daha əvvəl daşqın qurbanlarına ilk yardım paketinin bir hissəsi olaraq təxminən 10,6 milyard avro ayrıldığını açıqlamışdı.
