Afət Ziyadqızı
Birləşmiş Ərəb Əmirlikləri atəşkəs elan olunan vaxtda İrana qarşı hücum həyata keçirib.
"Operativ Məlumat Mərkəzi-OMM" xəbər verir ki, bu barədəAmerikanın "The Wall Street Journal" nəşri mənbələrə istinadən yazıb.
Nəşrin məlumatına görə, Əbu-Dabinin hədəflərindən biri İranın Fars körfəzində yerləşən Lavan adasındakı neft emalı zavodu olub.
Bildirilir ki, BƏƏ bu əməliyyat barədə ictimaiyyətə rəsmi açıqlama verməyib.
WSJ qeyd edir ki, hücum ABŞ və İran arasında atəşkəs elan olunduğu dövrdə baş versə də, Vaşinqton tərəfindən mənfi reaksiya ilə qarşılanmayıb. Nəşrin iddiasına görə, ABŞ administrasiyası BƏƏ-nin münaqişəyə qoşulmasını gizli şəkildə dəstəkləyib.
Məqalədə həmçinin vurğulanır ki, BƏƏ silahlı qüvvələri Qərb istehsalı olan müasir qırıcı təyyarələr və müşahidə sistemləri ilə yaxşı təchiz edilib.
İran və BƏƏ rəsmiləri isə hələlik yayılan məlumatlarla bağlı rəsmi açıqlama verməyiblər.
