Birləşmiş Ərəb Əmirlikləri (BƏƏ) Hörmüz boğazının açılmasında ABŞ-yə hərbi yardım göstərməyə hazırlaşır.
"Operativ Məlumat Mərkəzi-OMM"xəbər verir ki, bu barədə The Wall Street Journal (WSJ) qəzeti məlumat yayıb.
Qəzetin məlumatına görə, Əbu-Dabi BMT Təhlükəsizlik Şurasının belə bir addımı təsdiqləyən qətnaməsi üçün lobbiçilik edir.
Bundan əlavə, BƏƏ diplomatları Avropa və Asiya ölkələrini Hörmüz boğazından keçmək azadlığını təmin etmək üçün koalisiya yaratmağa çağırırlar.
Adı çəkilməyən BƏƏ rəsmisi bildirib ki, ölkə Əbu-Dabinin münaqişədə necə iştirak edəcəyini fəal şəkildə araşdırır.
Nəşrin məlumatına görə, BƏƏ-nin belə bir addımı, İrana qarşı hərbi əməliyyatların Yaxın Şərqdə mövcud münaqişə bitdikdən sonra da davam edəcək gərginlik yaradacaq riskini daşıyır.
