"Barselona"nın yarımmüdafiəçisi Mark Bernal İspaniya çempionatının 3-cü turunda "Rayo Valyekano" ilə oyunda (2:1) zədələnib.
"Operativ Məlumat Mərkəzi-OMM" insayder Fabrizio Romanoya istinadən xəbər verir ki, futbolçu ön çarpaz bağını zədələyib.
O, bir neçə ay yaşıl meydanlardan kənarda qalacaq.
Futbolçunun dəqiq sağalma vaxtı tibbi müayinədən sonra məlum olacaq.
İspaniya çempionatının bu mövsümündə yarımmüdafiəçi 3 oyun keçirib.
