OMM Redaksiyası
“Barselona” istedadlı yarımmüdafiəçisi Mark Bernalla əməkdaşlığı davam etdirməyə hazırlaşır. Tərəflərin 19 yaşlı futbolçu ilə 2031-ci ilə qədər qüvvədə olacaq uzunmüddətli müqavilə imzalaması gözlənilir.
"Operativ Məlumat Mərkəzi-OMM" “Mundo Deportivo”ya istinadən xəbər verir ki, Bernalın yeni müqaviləsində sərbəst qalma bəndi əvvəlki kimi 500 milyon avro olacaq.
“Barselona” akademiyasının yetirməsi olan Mark Bernal əsas komandada 2024-cü ildən çıxış edir. Onun hazırkı müqaviləsinin müddəti 2029-cu ilin iyununun sonunda başa çatır.
“Transfermarkt” portalı 19 yaşlı yarımmüdafiəçinin bazar dəyərini 30 milyon avro qiymətləndirir.
