Afət Ziyadqızı
Krım sahillərində baş verən zəlzələdən sonra 2,2 bal gücündə afterşok qeydə alınıb.
“Operativ Məlumat Mərkəzi – OMM” xəbər verir ki, bu barədə Krım Federal Universitetinin Seysmologiya və Geodinamika İnstitutunun direktor müavini Marina Bondar “RİA Novosti” agentliyinə açıqlama verib.
Onun sözlərinə görə, fevralın 2-də Azov dənizində baş verən əsas zəlzələnin mənbəyində afterşok qeydə alınıb.
Bondar bildirib ki, “əsas şokla üst-üstə düşən afterşok baş verdi; zəlzələnin enerji sinfi 8.0, maqnitudası isə 2,2 olub”.
O qeyd edib ki, sözügedən seysmik hadisə əhali tərəfindən hiss olunmayıb və bölgədə seysmik aktivliyin təbii gedişatını əks etdirir.
