OMM Redaksiyası
Qusar rayonunun İmamqulukənd kəndində çaqqalların sakinlərə hücum etdiyi bildirilir.
"Operativ Məlumat Mərkəzi-OMM" “AzTV”-yə istinadən xəbər verir ki, son günlər baş verən ayrı-ayrı hadisələrlə bağlı 3 nəfər xəstəxanaya müraciət edib.
Qusar Rayon Mərkəzi Xəstəxanasından verilən məlumata görə, oktyabrın 10-da 2 nəfər, oktyabrın 12-də isə 1 nəfər çaqqal dişləməsi diaqnozu ilə tibb müəssisəsinə daxil olub.
Onlara zəruri tibbi yardım göstərildikdən sonra ambulator müalicə üçün evə buraxılıblar.
Kənd sakinləri isə belə halların mütəmadi baş verdiyini iddia edirlər. Onların sözlərinə görə, müvafiq qurumlara müraciət etsələr də, vəhşi heyvanların hücumlarının qarşısının alınması istiqamətində hələlik zəruri tədbirlərin görülmədiyini düşünürlər.
