Azərbaycanda 116 mindən çox şagird 11-ci sinfi bitirir

Cari tədris ilində ölkə üzrə ümumilikdə 116 min 550 nəfər məzun olur.

Bu barədə "Operativ Məlumat Mərkəzi-OMM"-ə Məktəbəqədər və Ümumi Təhsil üzrə Dövlət Agentliyindən məlumat verilib.

Qeyd edilib ki, onlardan 55 min 954 nəfəri qız, 60 min 596 nəfəri oğlan şagirdlərdir.

Bu il işğaldan azad edilmiş ərazilərdə yerləşən, 11-də ilk dəfə olmaqla ümumilikdə 25 ümumi təhsil müəssisəsində “Son zəng” tədbiri keçiriləcək və 171 nəfər məzun olacaq.