Azərbaycanda bu il Novruz və Ramazan bayramlarının eyni tarixlərə təsadüf etməsi səbəbindən, sabahdan başlayaraq şənbə və bazar günləri də daxil olmaqla ardıcıl 11 günlük bayram tətili başlayır.
“Operativ Məlumat Mərkəzi-OMM” xəbər verir ki, martın 20-24-ü Novruz bayramı günləridir. Bu tarixlərdən 21 və 22-si şənbə və bazar günlərinə düşdüyü üçün Əmək Məcəlləsinə əsasən, 25 və 26 mart da qeyri-iş günü hesab olunur.
Bundan əlavə, Ramazan bayramı günlərinin də qeyri-iş günləri ilə üst-üstə düşməsi səbəbindən növbəti iş günləri – 27 və 30 mart tarixləri də istirahət günü elan edilib. Bayramdan sonra ilk iş günü isə martın 31-i hesab edilir.
