OMM Redaksiyası
Mədəniyyət Nazirliyi tərəfindən təsis edilməsi planlaşdırılan Azərbaycan Kitab Mükafatı hazırda layihə mərhələsindədir.
Bu barədə “Operativ Məlumat Mərkəzi-OMM”-ə rəsmi məlumat nazirlikdən verilib.
Qurumdan bildirilib ki, bu istiqamətdə işlər davam etdirilir: "Layihə müvafiq qaydada təsdiq olunduqdan sonra müsabiqənin keçirilməsi və digər detallarla bağlı ictimaiyyətə əlavə məlumat veriləcək".
Xatırladaq ki, Mədəniyyət Nazirliyinin Kitab sənayesi şöbəsinin müdiri Vasif Qurbanzadə bu il Azərbaycan Kitab Mükafatının təsis ediləcəyini daha əvvəl açıqlamışdı.
Onun sözlərinə görə, mükafatın qalibi üçün aşağıdakı imtiyazlar planlaşdırılır:
- 50 min manat məbləğində pul mükafatı;
- Xüsusi diplom və döş nişanı;
- Qalib kitabın 3000 tirajla çap olunması;
- Əsərin əlavə olaraq 2 ölkədə yayımlanması.
