Azərbaycan cüdoçuları dünya çempionatının medal sıralamasında ikinci yerdədir

Bakıda keçirilən cüdo üzrə dünya çempionatının ikinci yarış gününün yekunlarına əsasən, Azərbaycan yığması medal sıralamasında ikinci pillədə qərarlaşıb. Komandanın aktivində bir qızıl medal var.

60 kq çəki dərəcəsində mübarizə aparan Əhməd Yusifov yarışın ilk günündə dünya çempionu olub. Onun qazandığı qızıl medal Azərbaycanı turnirin medal sıralamasında liderlər qrupuna yüksəldib.

Medal sıralamasına Yaponiya yığması başçılıq edir. Yaponiya təmsilçiləri iki yarış günündə üç qızıl və iki bürünc medal qazanaraq ümumilikdə beş dəfə fəxri kürsüyə yüksəliblər. Bir qızıl medalı olan Azərbaycan ikinci yerdədir.

İki günün nəticələrinə görə, dünya çempionatında doqquz ölkənin idmançıları medal əldə ediblər. Yarışlar Bakıda, Milli Gimnastika Arenasında keçirilir və oktyabrın 11-də başa çatacaq.