Avropa Komissiyası Şərqi Avropada yaradılması nəzərdə tutulan “dron divarı” layihəsini yenidən nəzərdən keçirib və təşəbbüsü bütün qitə miqyasında tətbiq etməyi planlaşdırır.
"Operativ Məlumat Mərkəzi-OMM" xəbər verir ki, bu barədə “Reuters” Avropa mənbələrinə istinadən məlumat yayıb.
Agentliyin məlumatına görə, Avropa Komissiyası Şərqi Avropanın müdafiəsini gücləndirmək məqsədilə nəzərdə tutulan ilkin layihəni genişləndirərək, bütün Avropa məkanını pilotsuz uçuş aparatlarına qarşı müdafiə edəcək yeni təşəbbüs halına salmaq niyyətindədir.
Yenilənmiş planın Avropa Komissiyasının təqdim etməyə hazırlaşdığı müdafiə yol xəritəsinə daxil ediləcəyi bildirilir.
Qeyd edək ki, Avropa İttifaqının prezidenti Ursula fon der Leyen daha əvvəl Kopenhagendə keçirilən Aİ liderlərinin qeyri-rəsmi sammitindən sonra “dron divarı”nın yaradılacağını elan etmişdi. Layihənin əsas məqsədi Avropanın hava məkanını pilotsuz uçuş aparatları və digər yeni texnoloji təhdidlərdən qorumaqdır.
