“Rayo Valyekano”nun və Rumıniya millisinin müdafiəçisi Andrey Ratiu “Atletiko”nun maraq dairəsinə düşüb.

"Operativ Məlumat Mərkəzi-OMM" "ElDesmarque" portalına istinadən xəbər verir ki, Ratiu "Atletico Madrid"in baş məşqçisi Dieqo Simeonenin diqqətini çəkib.

"Transfermarkt" hazırda oyunçunu 3 milyon avro dəyərində qiymətləndirir.

Müdafiəçinin "Rayo Valyekano" ilə müqaviləsi 2028-ci ilin yayında başa çatır.

Fransa millisinin və dünya futbolunun əfsanəsi Zinəddin Zidanın böyük oğlu Entso Zidan karyerasını başa vurub.

"Operativ Məlumat Mərkəzi-OMM" xəbər verir ki, bu barədə "Diario AS" nəşri məlumat yayıb.

Yarımmüdafiəçi 29 yaşında bu addımı atıb.

Qeyd edək ki, Entso Zidan son olaraq İspaniyada "Fuenlabrada"nın formasını geyinib. O, bu klubdan 2023-cü ildə ayrılıb. Oyunçu karyerası ərzində 203 matç keçirib, 13 qol və 24 məhsuldar ötürmə ilə yadda qalıb.

PSJ-nin rəhbərliyi cinah müdafiəçisi Aşraf Hakimini komandada saxlamaq istəyir.

"Operativ Məlumat Mərkəzi-OMM" jurnalist Fabrizio Romanoya istinadən xəbər verir ki, klub mərakeşli futbolçunun agenti ilə müqavilənin uzadılması ilə bağlı danışıqlara başlayıb.

Parislilər futbolçuya yeni uzunmüddətli müqavilə təklif edirlər.

Aşraf 2021-ci ilin yayından Fransa komandasının rənglərini qoruyur. Tərəflər arasında mövcud müqavilə 2026-cı ildə başa çatır.

Bu mövsüm Hakimi Paris komandasının heyətində bütün turnirlərdə 11 matçda iştirak edib. Müdafiəçi üç qol vurub və üç məhsuldar ötürmə edib.

"Borussiya Dortmund"un futbolçusu Feliks Nmeça mövsüm ərzində ikinci dəfə zədələnib.

"Operativ Məlumat Mərkəzi-OMM" xarici KİV-ə istinadən xəbər verir ki, zədə səbəbindən Nmeça məşqdə iştirak etməyib.

Qeyd olunur ki, zədə ciddi deyil, lakin Feliksin bu cümə günü "Bohum"la matçı buraxacağı bildirilir.

İngiltərənin "Liverpul" klubu "Real Sosyedad"ın yarımmüdafiəçisi Martin Subimendi ilə maraqlanır.

"Operativ Məlumat Mərkəzi-OMM" jurnalist Fabrizio Romanoya istinadən xəbər verir ki, "mersisayd"lılar yanvarda yarımmüdafiəçini transfer edə bilərlər.

Xatırladaq ki, “Liverpul” yay transfer pəncərəsində Subimendi ilə müqavilə imzalaya bilərdi, lakin yarımmüdafiəçi son anda “Real Sosyedad”da qalaraq klubu ilə yeni müqavilə imzalamağa qərar verib.

Xankəndi cari mövsümdən Azərbaycan futbol ailəsində təmsil olunacaq.

"Operativ Məlumat Mərkəzi-OMM"xəbər verir ki, şəhərin eyniadlı komandası yaradılıb.

Klub AFFA-nın Region Liqasında mübarizə aparacaq. Bununla bağlı "Xankəndi"nin sosial şəbəkə hesablarında məlumat verilib.

Artıq klubun loqosu da təsdiqlənib.

Qeyd edək ki, Region Liqasında qeydiyyat prosesi oktyabrın 1-dək davam edəcək. Bundan sonra iştirakçıların adları, sayı və turnirin formatı rəsmən açıqlanacaq.