“Araz-Naxçıvan” Premyer Liqada 11 oyundur qələbə qazana bilmir

“Araz-Naxçıvan” Misli Premyer Liqasında son dörd mövsümün uğursuz start antirekordunu təkrarlayıb. Naxçıvan təmsilçisi çempionatın ilk dövrəsini qələbə qazanmadan başa vurub.

Komanda keçirdiyi 11 matçın dördündə heç-heçə edib, yeddisində məğlub olub. “Araz-Naxçıvan” bu görüşlərdə cəmi dörd xal toplayıb.

Son dörd mövsümdə ilk dəfə Premyer Liqa iştirakçılarından biri çempionatın başlanğıcında ardıcıl 11 oyunda qələbə qazana bilməyib.

Belə seriya sonuncu dəfə 2022/23 mövsümündə qeydə alınıb. Həmin vaxt “Sumqayıt” və “Şamaxı” ilk 11 turda qələbə qazana bilməyiblər.

Dörd il əvvəl hər iki komanda da “Araz-Naxçıvan” kimi 11 oyunda cəmi dörd xal toplamışdı.