Avstraliyanın Baş naziri Anthony Albanese ABŞ və İsrailin İrana hücumları ilə başlayan müharibənin iqtisadi təsirinin ölkədə aylarla davam edəcəyini bildirib.
"Operativ Məlumat Mərkəzi-OMM" xəbər verir ki, bununla bağlı xarici KİV məlumat yayıb.
O, xalqa müharibə səbəbilə təchizat zəncirinin pozulması nəticəsində yanacaq qiymətlərinin artması ilə bağlı xəbərdarlıq edib.
Yaxın Şərqdəki müharibənin neft qiymətlərində ciddi artıma səbəb olduğunu xatırladan Albanese bildirib ki, Avstraliya bu müharibəyə daxil olmasa da, avstraliyalılar daha yüksək qiymətlər ödəyir.
“Həqiqət budur ki, bu müharibənin yaratdığı iqtisadi şok aylarla bizimlə olacaq”, - Albanese deyib.
O qeyd edib ki, Milli Kabinet martın 30-da “Milli Yanacaq Təhlükəsizliyi Planı”nı təsdiqləyib və yanacaq vergisi iki dəfə azaldılıb.
