Alman məktəblərində müsəlman tələbələrin sayı artmağa başlayıb.
"Operativ Məlumat Mərkəzi-OMM" xəbər verir ki, bu barədə Almaniyanın dövlət təhlükəsizlik agentliyindəki adı açıqlanmayan mənbəyə istinadən "Bild" qəzeti yazıb.
“Almaniyalı uşaqların valideynləri məsləhət mərkəzlərinə müraciət edirlər, çünki onların xristian uşaqları məktəbdən kənarda qalmamaq üçün İslamı qəbul etmək istəyirlər”, - deyə nəşr bildirib.
Bu, Yaxın Şərqdən gələn immiqrasiya səbəbindən məktəblərdə müsəlman uşaqların sayının kəskin artması ilə əlaqələndirilir. Əslində, bəzi böyük şəhərlərdə xristian ailələrinin uşaqları hətta siniflərdə azlıq təşkil edir. Məsələn, Berlin, Frankfurt və Essendə müsəlman tələbələrin nisbəti 80%-dən çox olan təhsil müəssisələri var.
“Bild” yazır ki, qatı dindar ailələrdən olan müsəlman uşaqları qız tələbələri həddən artıq “qərbpərəst” olmaqda günahlandırır və hər zaman məktəb qaydalarına əməl etməyən paralel icmalar yaradırlar.
