Afət Ziyadqızı
İranın məşhur "Alamut Qalası" və onun ətrafındakı müdafiə istehkamları UNESCO-nun Ümumdünya İrs Siyahısına daxil edilib.
“Operativ Məlumat Mərkəzi-OMM” xəbər verir ki, bu qərarla tarixi kompleks İranın UNESCO siyahısına daxil edilən 30-cu maddi mədəni irs nümunəsi olub.
Bildirilib ki, qədim memarlıq nümunəsi hesab olunan "Alamut Qalası" strateji mövqeyi və zəngin tarixi keçmişi ilə seçilir. Mütəxəssislərin fikrincə, abidənin beynəlxalq səviyyədə tanınması onun qorunması və gələcək nəsillərə ötürülməsi baxımından mühüm əhəmiyyət daşıyır.
Qeyd olunub ki, UNESCO tərəfindən verilən bu qərarın İranın turizm imkanlarının genişlənməsinə və tarixi irsə marağın artmasına müsbət təsir göstərəcəyi gözlənilir.
