ABŞ Prezidenti Donald Trampın Danimarkanı dəstəkləyən Avropa ölkələrinə qarşı tarif tətbiqi ilə bağlı təhdidindən geri çəkilməsi Aİ rəsmiləri tərəfindən şübhə ilə qarşılanıb.
“Operativ Məlumat Mərkəzi-OMM”-in xəbərinə görə, “Politico” nəşrinin məlumatında bildirilir ki, Tramp Avropa ölkələrinin qoşunlarını təlim məqsədilə Qrenlandiyaya göndərməsinə görə tarif tətbiq ediləcəyi ilə bağlı açıqlamasını ləğv etsə də, Brüsseldə bu bəyanata ehtiyatla yanaşılır.
Almaniyanın vitse-kansleri Lars Klingbeil ABŞ ilə Avropa İttifaqı arasında yaranmış gərginliyin artıq başa çatdığı qənaətinə gəlməyin tez olduğunu bildirib. O, tərəflər arasında sonda hansı razılaşmaların əldə olunacağını görmək üçün “gözlə və gör” yanaşmasının vacibliyini vurğulayıb.
Eyni zamanda, Qrenlandiya ilə bağlı danışıqlarda iştirak edən Aİ nümayəndəsi Trampın açıqlamalarını “fantastik xəbər” kimi qiymətləndirməyə tələsmədiyini qeyd edib.
Mənbə vurğulayıb ki, “biz sosial media paylaşımlarına əsaslanaraq həyatımızı yaşaya və ya ölkələrimizi idarə edə bilmərik”.
