Avropa İttifaqı (Aİ) Kiyev üçün Rusiya aktivlərindən 50 milyard dollar məbləğində kredit barədə razılığa gələ bilməyib.

"Operativ Məlumat Mərkəzi-OMM" xəbər verir ki, bu barədə Avropa Şurasının sabiq rəhbəri Şarl Mişel yekun mətbuat konfransında bildirib.

Aİ diplomatiyasının rəhbəri Jozep Borrel qeyd edib ki, Aİ-yə namizəd ölkələr - Gürcüstan, Moldova və Serbiya Rusiya Federasiyasının dondurulmuş aktivlərindən əldə olunan gəlirin Kiyevə verilməsi qərarına qoşulmayıblar.

Bununla yanaşı, Avropa Komissiyasının rəhbəri Ursula Fon der Lyayev bildirib ki, Aİ Ukraynaya 1,9 milyard avro məbləğində maliyyə yardımı tranşını köçürüb.

Fransada Milli Assambleyaya (parlamentin aşağı palatası) növbədənkənar seçkilər üçün səsvermə başlayıb.

"Operativ Məlumat Mərkəzi-OMM" xəbər verir ki, bu seçkilərin özəlliyi iyulun 26-da Parisdə start götürən Olimpiya Oyunlarına fəal hazırlıq dövrünə təsadüf edən seçki kampaniyasının son dərəcə qısalığı (üç həftədən az) olub.

577 yer uğrunda mübarizəni mərkəzçi prezident koalisiyası, sağçı Milli Birlik və solçu Yeni Xalq Cəbhəsi aparır.

Birinci turda seçilmək üçün namizəd yaşadığı bölgədəki seçicilərin yarıdan çoxunun dəstəyini almalıdır. Birinci turda azı 12,5 % səs toplayan namizədlər iyulun 7-də keçiriləcək ikinci turda iştiraka buraxıla bilər.

Qeyd edək ki, növbədənkənar seçkiləri Fransa Prezidenti Emmanuel Makron iyunun 9-da prezident koalisiyasının Avropa Parlamentinə seçkilərdə ciddi məğlubiyyəti fonunda təyin edib.

Naməlum şəxs İsrailin Serbiyadakı səfirliyində polis işçisini yaralayıb.

"Operativ Məlumat Mərkəzi-OMM" xəbər verir ki, bu barədə Serbiya Daxili İşlər Nazirliyinin rəhbəri İvitsa Dacic bildirib.

O qeyd edib ki, polisi yaralayan şəxs zərərsizləşdirilib.

Nazir qeyd edib ki, yaralı polis əməliyyat olunacaq, faktla bağlı araşdırma aparılır.

Avropa İttifaqı (Aİ) ölkələrinin liderləri növbəti beş il üçün Avropa institutlarının yüksək vəzifələrə təyinatlarını təsdiqləyiblər.

"Operativ Məlumat Mərkəzi-OMM" xəbər verir ki, bu barədə Avropa Şurasının sabiq rəhbəri Şarl Mişel "X" sosial şəbəkəsindəki səhifəsində məlumat verib.

Ursula Fon der Lyayen Avropa Komissiyasının rəhbəri vəzifəsinə 5 il müddətinə təsdiq edilib, Estoniyanın Baş naziri Kaya Kallas Aİ-nin Xarici İşlər və təhlükəsizlik siyasəti üzrə ali nümayəndəsi, Portuqaliyanın sabiq Baş naziri Antonio Kosta isə Avropa Şurasının rəhbəri seçilib.

Təyinat üçün Avropa Parlamentində səsvermə keçiriləcək.

Ukrayna prezidenti Vladimir Zelenski Kiyevin Ukrayna Silahlı Qüvvələrinin sıralarında böyük itkilər verdiyinə görə münaqişəni uzatmaq istəmədiyini bildirib.

"Operativ Məlumat Mərkəzi-OMM" onun Avropa İttifaqının (Aİ) sammitinə gələrkən söylədiyi fikirlərə istinadən xəbər verir.

O vurğulayıb ki, Ukrayna döyüş meydanında itkilərə görə kifayət qədər vaxtı olmadığı üçün növbəti “sülh sammiti” üçün münaqişənin həlli planı hazırlamağı planlaşdırır.

“Biz bu sülh planını ikinci zirvə toplantısı üçün hazırlamaq istəyirik”, - o deyib.

Zelenski İsveçrədəki konfransdan sonra Kiyevin Moskva ilə heç bir əlaqəsinin olmadığını da vurğulayıb.

NATO səfirləri Mark Rutteni yeni baş katib kimi təsdiqləyiblər.

"Operativ Məlumat Mərkəzi-OMM" xəbər verir ki, bu barədə TASS məlumat yayıb.

O, bu postda Yens Stoltenberqi əvəzləyəcək.