"Avropa İttifaqı Gürcüstanı tənqid etməyə davam edir və münasibətləri yenidən nəzərdən keçirməyə cəhd göstərmir".
"Operativ Məlumat Mərkəzi-OMM" xarici KİV-ə istinadən xəbər verir ki, bu sözləri Gürcüstanın Baş naziri İrakli Kobaxidze deyib.
“Əvvəllər Qərb bizə mükəmməl bir şey kimi təqdim olunurdu, lakin son beynəlxalq proseslər, ilk növbədə Avropa ilə bağlı bir çox problemləri üzə çıxardı. Biz də özümüzü Avropa məkanının təbii bir hissəsi hesab etdiyimiz üçün bunun kökünü kəsirik”, - o bildirib.
Kobaxidze qeyd edib ki, Brüssel son illərdə Gürcüstanı daim tənqid edir, bu isə Avropa Birliyi bürokratiyasının müstəqil olmaması və qeyri-rəsmi qüvvələrin təsiri altında fəaliyyət göstərməsi ilə bağlıdır:
“Tamamilə aydındır ki, gəlirli Rusiya bazarını itirdikdən sonra, Avropa bürokratiyası müstəqil hərəkət etsəydi, Şərqdə alternativ bazarlar axtarmağa başlayardı. Gürcüstan bu baxımdan optimal yoldur, lakin Brüssel ölkəmizlə münasibətlərini yenidən nəzərdən keçirmək istəmir”.
Onun sözlərinə görə, Gürcüstan cəmiyyəti Avropa Birliyinin ikili standartlarını görür və onları müvafiq olaraq qiymətləndirir: “Gürcüstan kiçik bir ölkədir, amma biz milli maraqlarımızı qətiyyətlə müdafiə edirik və sülh siyasəti yürüdürük”.
