ABŞ nüvə çəkindirməsi də daxil olmaqla, bütün müdafiə imkanlarından istifadə ilə Yaponiyanın müdafiəsini davam etdirəcək.
“Operativ Məlumat Mərkəzi-OMM” xəbər verir ki, bu barədə Tokioda keçirilən Yaponiya-Amerika genişləndirilmiş dialoqunun yekunlarına dair birgə bəyanatda deyilir.
"ABŞ nüvə çəkindirməsi də daxil olmaqla, bütün müdafiə imkanlarından istifadə ilə Yaponiyanı müdafiə etmək öhdəliyini bir daha təsdiqlədi", - sənəddə qeyd olunur.
Bəyanatda vurğulanır ki, Yaponiya öz növbəsində Amerika qüvvələrinə və onların sülhməramlı əməliyyatlarına dəstəyini bir daha təsdiqləyib.
Tərəflər həmçinin artan regional nüvə təhlükəsi fonunda Amerika nüvə qüvvələrinin modernləşdirilməsi, uyğunlaşmasını və Yaponiyanın müdafiə siyasətini müzakirə ediblər.
Bundan əlavə, Tokio Vaşinqtonu silahlanmaya nəzarət məsələsində Çin və Rusiya ilə əməkdaşlıq da daxil olmaqla, silahlanma yarışının qarşısının alınması ilə bağlı beynəlxalq dialoqu gücləndirməyə çağırıb. Tərəflər həmçinin KXDR-in tam nüvəsizləşdirilməsi zərurəti ilə bağlı mövqelərini bir daha təsdiqləyiblər.
